happy newyear-2012

నిన్నటి వరకు
మనకి ప్రియమైనది
మన వెన్నంటి నిలిచినది
నేడు గతమైనది
గతసంవత్సర మైనది

ఏడాదిపాటు తోడుగా నిలిచిన
పాత వత్సరం నిశ్సబ్దంగా నిష్క్రమించింది

అర్ధరాత్రి పన్నెండుకి
అందుకున్న చేయి
అర్ధరాత్రే విడిచిపెట్టింది నిర్లిప్తంగా

కాదుకాదు మనమే
పది తొమ్మిది ఎనిమిది
లెక్కించి మరీ వదిలేసి
హత్తుకున్నాం నూతనవత్సరాన్ని  ఆప్యాయంగా

నూతన సంవత్సర శుభాకాంక్షలు
అందరికీ ప్రతిఒక్కరికీ
 మానవాళికి

1.1.2012

prakrutimaata muddula tanaya

భరతమాత నడుం ఒంపుల్లో
సొగసైన పుట్టుమచ్చ విశాఖ

తెలుగుతల్లి ముత్యాల ముప్పేటలో
ముచ్చటైన శోభ విశాఖ

ఉత్తరాంధ్ర ఒయ్యారి భామ
సాగరతీర సోయగాలలేమ విశాఖ

గాలి ఓడల విమానాశ్రయం
సాగర జలాల్లో నిశిరాతిరి
జలకన్యల్లా మెరిసే ఓడల ఓడరేవు
నియాన్ వెలుగుల్లో నిత్య దీపావళి విశాఖ

ప్రకృతి మాత ముద్దుల తనయ విశాఖ
సుందరగిరుల అందాల లోయ విశాఖ
శివపార్వతుల వన విహారం కైలాసగిరి
అద్భుత త్రీడీ దృశ్యం సింహాద్రి
డాల్ఫిన్స్ నోస్-మెరుపు బాణాలు
వాడిగా విసిరే లైట్ హౌస్

పామ్ బీచ్ -రామకృష్ణ బీచ్ -ఉడా పార్క్
బంగారు జలతారు
జలజల జాలు వారే అలల ఇసుక
నిత్య నూతనంగా శోభాయమానంగా
ఇసుకపట్నం విశాఖపట్నం

మర్రిపాలెం వెంకోజీపాలెం
మువ్వలవానిపాలెం తాటిచెట్లపాలెం
మద్దిలపాలెం కంచరపాలెం
పాలెంల పట్నం విశాఖపట్నం

హెచ్ పిసి ఎల్ -బి హెచ్ పి వి -జింక్
కోరమండల్ ఫెర్టిలైజర్స్
షిప్ యార్డ్ స్టీల్ ప్లాంట్
కార్మిక విశాఖ పారిశ్రామిక విశాఖ

అంధ్ర విశ్వ కళాపరిషత్
అంధ్రా మెడికల్ కాలేజ్
శ్రీ శ్రీ -రాచకొండ
విద్యల విశాఖ విద్వత్ విశాఖ

సాగరపవనాల మితశీతోష్ణ స్థితి
లౌకిక సమస్థితి
కలతలు ఎరుగని పరిస్థితి
 అందరు మెచ్చే విశాఖ

సింహాద్రప్పన్న కనక మహాలక్ష్మి
లౌకిక భావాలకు దర్పణం మూడు కొండలపై
పోర్ట్ లో వెలిసిన జీసెస్ బాలాజీ అల్లా
అందరికీ నచ్చే విశాఖ
అద్భుత దృశ్య కావ్యం విశాఖ

visteel mahilaa samiti souvenir,2008              

vanam vallakaadayite...

వనం వల్లకాడయితే
నగరిబాట పట్టింది  చిరుత

రహదార్లు మృత్యు కవాటాలు
లారీ భూతాలు మృత్యు వాహనాలు

రోడ్డు దాటడ మెరుగని చిరుత
వన్య మృగమా జాతీయ మృగమా
అయ్యో మృత్యువు వాత పడ్డావు

22 .12 .2011  

mahaneeyudu

జర్మనీ లో జన్మించి
లండన్ లో కాలూని
బడుగు ప్రజల పాలిటి
దివిటీవయ్యావు
మార్గాన్ని నిర్దేశించి
మాననీయుడవయ్యావు

రష్యన్ విప్లవం
చైనా విప్లవం
నక్సల్బరీ పోరాటం
శ్రీకాకుళం పోరాటం
విప్లవ వీరులకుత్తేజం నీ నినాదం

శ్రమ దోపిడీ
అక్రమ లాభార్జన ఉన్నంతవరకు
శ్రామికుల సంఘటిత పోరాటాలకు
ప్రేరణ నువ్వయినంతవరకు
మార్క్స్ మహానీయుడా
నిలిచివుంటావు నువ్వు

22 .12 .2011

prerana

ఒక భావం
ఒక పదం
ఒక సంఘటన
దుర్ఘటన
ప్రేరేపిస్తాయి కవిత రాయమని

మనసులో అస్పష్టంగా కదలాడితే
ఆకృతి దాలుస్తుంది కాగితంపై

రూపుదిద్దుకోకుండానే
బయట పడతానంటుంది

లోన ఉన్నంతవరకు
అనాధ శిశువు తాను

ఆకృతి దాల్చాకా
ఎందరు ప్రేమికులో
విమర్శకులో

22 .12 .2011

ksheera sagaram

మనసు క్షీర సాగరం
 అంతర్మధనం క్షీర సాగర మధనం
నిరంతరం

కామధేనువు
కల్పవృక్షం
లచ్చిందేవి
హాలాహలం
అమృతం

మనసే కామధేనువు
కల్పవృక్షం
వాడుకో పదునైన నీ మస్తిష్కం
పసిడి రాసులే గలగలమంటాయి

మనసే హాలాహలం
ఆలోచనలు వక్రిస్తే
వక్రమార్గం పడితే

సదాలోచన
సత్ప్రవర్తన
సద్బుద్ధి
సన్మార్గం
 ఇది కాదా అమృతం

 22 .12 .2011

paishachikam

లాజరస్ విశాఖ
దారుణ హత్య స్విమ్మింగ్ పూల్ లో
ఆక్రోశిస్తున్న తల్లితండ్రులు
వేలెత్తి చూపేది ర్యాగింగ్ భూతాన్ని

ఈ పైశాచిక ప్రవృత్తి
ఏ విష సంస్కృతి
పురోగమిస్తుంటే ప్రపంచం భౌతికంగా
తిరోగామిస్తున్నాయి సంస్కృతి సభ్యత
అసభ్యంగా నీచంగా ప్రవర్తించే  సీనియర్లు
ఏడాది క్రితం వృత్తి కళాశాలల్లో
భయంభయంగా అడుగుపెట్టే జూనియర్లే

యాజమాన్యం నిర్లక్ష్యం ఖరీదు
విద్యార్ధి ప్రాణం
చెడు సావాసాలు సాంగత్యాలే తప్ప
తల్లితండ్రుల మార్గదర్శనం
ప్రభావం కరువౌతున్నాయి నేడు
నేరప్రవృత్తి పైశాచికత్వం
కొనసాగుతున్నాయి యువతలో
నిరాటంకంగా

18.12.2011     

naalo nenu

సమయం ఎనిమిది ఉదయం
కనీసం మరో పద్నాలుగు గంటల స్వేచ్చ నాది

స్వేచ్చ
ఏపనైనా చేయడానికి
చేయకపోడానికి
విశ్రాంతి తీసుకోడానికి
ఏకాంతం నిశ్శబ్దం మౌనం

ఆరు రోజుల అవిశ్రాంత పనిదినాల
తరువాత దొరికే విశ్రాంతి
మరో ఇదు పనిదినాలకి కావలసిన
శక్తి నింపుకోవడం కోసం

తొంభై మూడు దాటిన తాతగారు ఆనాడు
నిన్న తొంభైకి చేరుకున్న ఆయన ఆప్తమిత్రుడు
తాత తొంభైకి చేరితే
 మనుమలిదే అదృష్టం ఆనందం

 ఏవయసు మనదైతే
ఆవయసు ఆతరం ప్రపంచం  మనది
అక్కలు వదినలు స్నేహితురాళ్ళు
అన్నలు తమ్ముళ్ళు
ముందు తరంతో సంబంధం
 అమ్మానాన్న అత్తమామ

తెలుసుకోవాలి ఈ తరాన్ని
ఆర్ధం  కావాలి వారి అంతరంగం
ఈతరం ప్రతినిధులు నాతనయలు నా విద్యార్ధులు
అర్ధం చేసుకోవడానికి ప్రయత్నిస్తా
వారిద్వారా నేటి తరాన్ని

ఒక ఐదేళ్ళ పాప పలకరిస్తుంది పొద్దున్నే
తన ముక్కుమొహం నాకు తెలియకపోయినా
ఆరేళ్ళ బుడతడు శుభోదయం చెప్తాడు
బడిలో అడుగుపెట్టగానే
ఉపాధ్యాయినిని నేనని
ఒకటో తరగతి నుండి పదోతరగతి
ఆతరాన్నికూడా అర్ధం చేసుకోవడానికి
ప్రయత్నిస్తా
అది నావృత్తి ధర్మం
నాకున్న అవకాశం

  

visakha

భరతమాత నడుం వంపులో
బహు మచ్చటైన పుట్టుమచ్చ విశాఖ

సాగర తీరంలో  గిరుల సోయగాలతో
అలల చిలిపిదనం తన పాదాలు తడప
అరుణోదయ కాంతులలో మెరిసే విశాఖ

విశాఖ ఉక్కు ఆంధ్రుల హక్కు
ఎలుగెత్తి చాటిన తెన్నేటి
అంధ్ర  విశ్వవిద్యాలయ కులపతి నుండి
రాష్ట్రపతిగాఎదిగిన రాధాకృష్ణుడు

మర్రిపాలెం తాటిచెట్లపాలెం
మద్దెలపాలెం వెంకోజీపాలెం
మువ్వలవానిపాలెం నాతయ్యపాలెం
పాలెంలపట్నం విశాఖపట్నం

వైశాఖేశ్వరుని పేర వెలిసిన విశాఖ
ప్రకృతిసొగసులు తనలో నిలుపుకున్న
సహజ సుందర నగరం విశాఖ
బాలభానుని తన నొసట దిద్దుకున్న
తూర్పుతీర సోయగం విశాఖ

11 .12 .2011    

mahaa prayaanam

మహా ప్రయాణం
కైలాస భూమికి

ఇల్లు సర్దుతుంటే
మహాప్రయాణానికి
సంసిద్ధమౌతున్నట్టుంటుంది

అర్ధ శతం పూర్తయ్యాక
శతం పూర్తి చేయకనే
పడిపోయే వికెట్లు కోకొల్లలు

నా వస్తువులు
వస్త్రాలు పుస్తకాలు
తీపి జ్ఞాపకాలు
అన్నిటినీ పదిలపరుచుకోవాలనుంటుంది

అయినా నావల్ల నావారికి కలిగే
అసౌకర్యం తగ్గించాలనే వుంటుంది

భూమ్మీద పడగానే కెవ్వుమంటాం
కలకలం సృష్టిస్తాం
బతికినన్నాళ్ళూ కలకలమే

నిశ్సబ్దంగా నిశ్చేతనమౌతాం
ఆ నిశ్శబ్దం మహా ప్రశాంతత
ఇక అలారం ధ్వనికి
ఉలిక్కిపడి లేవనక్కరలేదు

సకాలంలో సంతకానికి
పరుగు పర్వం లేనేలేదు
కోపతాపాలూ రాగద్వేషాలూ
సంతాపాలూ అసలే లేవు

అధినేతయినా జాతిరత్నాలయినా
ప్రపంచ సుందరయినా నేనయినా
నిష్క్రమిస్తాం  నిశ్శబ్దంగా
ప్రపంచ రంగస్థలంనుండి

10.12.2011

vimukti

అసంఖ్యాకం
అపరిమితం
 తరగనిగని

పొద్దున్నలేవగానే మొదలౌతాయి
బద్ధకానికి తావులేదు
క్రమశిక్షణగల  ఉద్యోగినికి

ఇంటికి వచ్చేసరికి చుట్టుముడతాయి
కళ్ళుమూసుకున్నా కళ్ళముందుంటాయి

పట్టాల్సిన నీళ్ళు
ఉతకాల్సిన బట్టలు
సర్దుకోవాల్సిన గిన్నెలు
తోమాల్సిన అంట్లు
తరగాల్సిన కూర
చేయాల్సిన వంట
అన్నే క్యూ కడతాయి
తోసుకుంటూ మునుముందుకు
వస్తుంటాయి

ఒకొక్కప్పుడు ఒళ్ళు మండుతుంది
నే చేయను   ఫో
ఛీ కొడతా వాటిని
అయినా వదలవేం
కదలక పోతావా
నీపని పడతాం అప్పుడు

భుక్తి కోసం దైనందిన పోరాటం
విముక్తి కోసం విమోచనం కోసం
నిత్యం ఎదురుచూపు

10 .12 .2011   

veeru@219

వీరూ వీరుడే
వన్ డే లైనా టెస్ట్ మ్యాచ్ లైనా
వీరుడే అత్యధిక పరుగుల సాధించి

నాయకుడై ద్విశతం సాధించాడు
నలభై నాలుగు ఓవర్లకే
గురువును దాటిన శిష్యుడు

కదనరంగం లో అడుగుపెడితే
వీరాభిమన్యుడే వీరూ
మెరుపువేగంతో పరుగులు పెంచుతూ
శతఘ్నులు పేలుస్తాడు శత్రువు యెదలో

రికార్డు ల యోధుడు సచిన్
అసహనానికి తాను మారు పేరైనా వీరూ
స్థిరంగా ఆడిఅధిగమించాడు
సచిన్ రికార్డు నే

నేడు ప్రతి భారతీయుడూ
సచిన్ తోపాటు జపించే
మరోనామం షేహ్వాగ్

10 .12 .2011

grahanam

గ్రహణం పట్టింది

సింధు నాగరికత
శిధిలమైన నాడు

బౌద్ధం  భారత్ ని వదిలి
పొరుగు దేశాలకి
తరలి వెళ్ళిన రోజు

రక్తసిక్తమై అన్నదమ్ములు
విడివడిన రోజు

బాబరీ మస్జిద్
కూలద్రోయ బడినరోజు
సోమనాధుని మందిరం
ధ్వంసమైన రోజు

సతిని సహగమనం
చేయమన్న రోజు
ముక్కుపచ్చలారని బిడ్డని
ముదుసలికి అమ్మినరోజు

అవినీతి రాజ్య మేలిన నాడు
చీకటి సామ్రాజ్యాలు
విస్తరించిననాడు

అమ్మతనాన్ని ఆడబిడ్డలని
భ్రూణహత్యలుగ హత్య కావించిన నాడే

వెన్నెలమ్మలకి వెలుగుల సూర్యులకి
గ్రహణం పట్టకుండా జాగ్రత్త పడదాం
జాతియావత్తూ

10 .12 .2011 
*సంపూర్ణ చంద్రగ్రహణం నేడే 

aayudham

పదం ప్రేమ స్వరూపమౌతుంది
పసిబిడ్డ అమ్మాఅని పిలిచినపుడు

పదం బాధని వ్యక్తీకరిస్తుంది
బాధలో అమ్మని తలచినపుడు
 
పదం ప్రభంజనమౌతుంది
మహాకవి కావ్యమైనపుడు

పదం నినాదమౌతుంది
సామాన్యుడు పిడికిలి బిగించినపుడు

పదాన్ని ఆవిష్కరించిన మానవుడు
పదును పెడుతూనేవున్నాడు
శక్తివంతమైన ఆయుధంగా వాడడానికి    

vijaya bheri

 నాలుగు సార్లు నమోదు చేసుకుంది విజయాన్ని
 భారత క్రికెట్ జట్టు సాగర తీరంలో విశాఖలో
పరిమిత ఓవర్ల ఆటలో

అలనాడు ధోనీ మోగించాడు
విజయ భేరి
నేటి విరాట్ స్వరూపం
విరాట్ కోహ్లీది
నాడు ఆసిస్ కి  నేడు కరీబియన్లకి
చుక్కలు చూపించాడు

యువక్రీడాకారులకు
సచినే స్ఫూర్తి
ప్రతి భారతీయుడు తమని
తలవాలంటే జనం మెచ్చే ఆట
ఆడాల్సిందే

ఒకప్పటి సామ్రాజ్యవాద దేశపు ఆట
దిగుమతి అయింది వలసదేశాలకు
ఆస్ట్రేలియా భారత్ వెస్టిండీస్
పాకిస్తాన్ బంగ్లాదేశ్ శ్రీలంక
కామన్ వెల్త్ దేశాలలో క్రికెట్ వెలుగులు
చిమ్ముతున్నభారత్
అభినందనలు విజేతకు

విజయకేతనాన్ని విజేతలకు
అందించిన విశాఖ
పెంచగలదు ఆత్మస్థైర్యాన్ని
మన ఆటగాళ్ళలో    

avyavasteekrutam

ఆఫీసుకెళితే
ఉద్యోగం ఉంటుందో లేదో తెలియదు

సుస్తీ చేసినా శరీరాన్ని
జబర్దస్తీ గా డ్యూటీ ఎక్కించాల్సిందే
అత్యవసరంగా అడగాలన్నాసెలవు
సిగ్గుతో చచ్చిపోతూ
భయంభయంగా బిక్కమొగంవేసి
యాచించాల్సిందే

హద్దుల్లేవు ఆఫీసు పనిసమయానికి
అందుకునే జీతమెంతో -
బిడ్డలకి  జీవిత భాగస్వామికి
ఎంత సమయం కేటాయించగలవో-
ఎవరికెరుక

ఆరోగ్యం హరించుకు పోతున్నదెంతో
దోపిడీకి బలవుతున్నదెంతో
లెక్కలు తేల్చేదేవైద్యుడు
ఏ మార్క్స్ ఏంగెల్స్

అవ్యవస్థీ కృత రంగమా
నీ వికృతరూపం
భీభత్స ప్రధాన దృశ్యకావ్యం  

shuklapaksham taaralu

పంచమినాడు పుట్టింది
మా అమ్మ
షష్టిని  పంచుకున్నారు
నాన్నగారు శ్రీవారు
సప్తమిముత్తాత  అదే మా అమ్మతాత

మహానవమి కల్లా సంసిద్ధమయింది భవానీమాత
విజయ దశమిని పంచుకున్నారు
పెద్దత్త చిన్నకోడలు
మా అక్క మేనకోడలు
మేనల్లుడు సైతం దశమి నాదన్నాడు

ఏకాదశి సింధుపాప
పున్నమి తాతగారు విరించిబాబు

అన్నీశుక్లపక్షం తారలు
మెరిసేయి జిగేల్మని
పుట్టినరోజు శుభాకాంక్షలు
పుట్టబోయే పాపాయికి బుజ్జాయికి
శ్రీవారికి

29 .11 .2011

chittitallulu

ఒక తెలుగు
కాసిన్ని కుంకుడుకాయలు చాలు
ఆదివారం ఆనందాన్ని
ఆవిరిచేసేయడానికి 

అక్కా వేలు చూడు
పెన్సిల్ తో తెలుగు రాసిరాసి
జాలిగా వేలు చూపే చిట్టి చెల్లెలు

ఒక ముద్దు కాసింత ప్రేమ చాలు
ఉత్సాహానికి మరలా ఊపిరిపోయడానికి
చెంగుచెంగున గంతులు వేసే ఆ తువ్వాయి
నా చిట్టి పాపాయి

కొంత అమాయకత్వం
మరికొంత చక్కదనం
ఇంకొంత కష్టించే తత్త్వం
కలబోసిన అపరంజిబొమ్మ
ఎనిమిదీ ఏడు ఎనభై ఏడున
కేర్ మన్న ముద్దుల గుమ్మ
నేడది డాక్టరమ్మ

అక్కచెల్లెల్లిద్దరూ
అపూర్వ సోదరీమణులు

20 .2 .2000 /29 .2 .2011

ukkunagaram

ఉక్కునగరం
ప్రశాంత తపోవనం

సిటీ సందళ్ళకి
బెజారెత్తించే ట్రాఫిక్ కి
 అన్నిటికీ దూరంగా

చల్లని గాలి తీయని నీరు
రోడ్లు రద్దీలేని రహదారులు
వుడ్స్ ని  తలపించే
చెట్లవరుసలు

ఆరుబయలు స్థలాలు
ఆటపాటల పిల్లలతో
కళకళ లాడే పార్కులు

ప్రశాంతత నింపుకున్న దేవాలయాలు
ఇక్కడ దేవుళ్ళు కూడా జన సమ్మర్ధానికిదూరంగా
హాయిగా విశ్రాంతి తీసుకుంటూ
మనశ్శాంతి ప్రియజనులకి ప్రసాదిస్తూ

ఉన్నవూరే కన్నతల్లి
విదేశంకన్నాస్వదేశం మిన్న
సాగరతీరం చెంతనున్న
ఉక్కునగరమే మాకుమిన్న

నిర్భాగ్యులైన నిర్వాసితులెందరికో
ఈ ఉక్కుపాదం రక్కసి పాదమైనా
మరెందరికో ఇది సుందర జీవితాన్ని
ప్రసాదించిన రామపాదం

4 .4 .2002   

samrambham

ముచ్చటగా మూడురెళ్ళు
మూడు సున్నాలు
పక్క పక్కన చేరినరోజు

ముచ్చటైన జంట పిచుకల
సంరంభం మాఇంట్లో

పనికట్టుకొని పొద్దున్నే
ఇంట్లో దూరి
ముక్కులతో చప్పుడుచేస్తూ

లెక్కలతో కుస్తీ పడుతున్న
పెద్దమ్మాయి తపస్సు భగ్నం చేస్తూ

అద్దంమీద ముక్కులతో టైపు చేస్తూ
చిన్నమ్మాయికి కనువిందు చేస్తూ

చేరువకి వెళ్ళగానే
తుర్రుమని ఎగిరిపోతూ

అద్దంలో తమ ప్రతిబింబాల్ని
మరో రెండని భ్రమించి స్నేహం చేస్తున్నాయో


బందీలని భావించి విడిపించ
విఫలయత్నం చేస్తున్నాయో    

గూటికోసమో గడ్డిపరక కోసమో
వేటికోసమో మరి ఆ వెతుకులాట

పిలవకనే వచ్చిన
అతిధులు ఆ రెండూ

వాటి ప్రతీచర్యని
పరిశీలించడమే పనిగా 
మానుండి దూరంగా అవి
పారిపోయిన ప్రతిసారీ
పెద్ద వెలితిగా

2 .2 .2000
*ఉక్కు నగరం నుండి
కనుమరుగయిన పిచుకలు  

abala kaadu sabala

శారదాచట్టం
బాల్యవివాహం

వీరేశలింగం
వితంతువివాహం

గురజాడ
కన్యాశుల్కం

రాజా రామ్మోహనరావు
సతీ సహగమనం

సంఘ సంస్కర్తల
కాలానికి కాలంచెల్లింది

మిగిలేవుంది వరకట్నం
మిగిలే ఉన్నారు వితంతువులు

ప్రతి సాంఘిక దురాచారం
బలి తీసుకుంటోంది అతివలనే

విద్య ఉద్యోగం ఉన్నతపదవులు
చైతన్యం మహిళాసాధికారం నిరూపించగలవు
అబలకాదు సబల
ఇరవైఒకటో శతాబ్దపుమహిళ అని   

27 .11 .2011

jeevitham

జీవితం
సుందర స్వప్నంగా
కరిగిపోని కలగా

అంతులేని ఆనందంగా
తీయని అనుభూతిగా

సుమధుర సంగీతంగా
రసవాహినిగా
నిత్య వసంతంగా
ఇట్టేగడిపేద్దాం

27 .2 .2000

tombhai rojulu

నువ్వులేని ఈ తొంభై రోజులు
ఒంటరిగా దిగులుదిగులుగా

నువ్వులేని ఈ తొంభై రోజులు గొంగళిలా
నా చుట్టూ ఒంటరితనంగూడు అల్లుకుంటూ

నువ్వులేని ఈ తొంభై రోజులు
తపస్వినిలా
ఇల్లే తపోవనంగా

అనుక్షణం నిన్నేకలవరించే చిన్నారులకు
అమ్మానాన్నాఅన్నీ అయి
ఈ తొంభై రోజులు తొంభై యుగాలుగా

14 .1 .2000

bassu prayanam

బస్ స్టాప్ లో నలుగురం ఉంటే
అప్పుడు మొదలౌతుంది పోటీ

బస్ ఆగేసరికి పరుగుపందెంతో
హడావుడిగా బస్ ఎక్కడం
ఎక్కీ ఎక్కగానే గద్దచూపులు
ఖాళీ సీట్ కోసం వెతుకులాట     
స్త్ర్రీలకు కేటాయించిన సీట్లని
ఖాళీ చేయమని
మగ ప్రయాణీకుల్ని
చూపుల్తో ఇబ్బందిపెట్టడం

ఎక్కడా ఖాళీలేకుంటే
తోటి ప్రయాణీకులు ఖాళీచేసే
సీట్ కోసం ఆశగా ఎదురుచూపులు
వారి కదలికలు నిశితంగా పరికిస్తూ

బస్ రష్ లో తొక్కిసలాట తోపులాట
ఊగిపోతూ తూగిపోతూ జారిపోతూ
కిటకిటలాడే బస్ లో సైతం
కండక్టర్ వెనుక నుండి ముందుకి
ముందు నుండి వెనక్కి
బొంగరంలా ఎలా తిరిగేస్తుంటాడో
కొత్త ప్రయాణీకులనెలాగుర్తిస్తాడో 
ఆయనకే తెలిసే చిదంబరరహస్యం

మియాపూర్ క్రాస్ రోడ్స్ -JNTU-
కూకట్ పల్లి హౌసింగ్ కాలనీ
సనత్ నగర్ flyover
ఎర్రగడ్డ  mental hospital
చనిపోయి సైతం లాఠీ ఝళిపించే ఉమేష్ చంద్ర
మైత్రీ వనం -అమీర్ పేట్
హమ్మయ్య చేరుకున్నా
గమ్యస్థానం

4 .6 .2004

daddy daddy

ఇహ నావల్ల కాదంటూ
మంచం చేరే
డాడీ గుర్తొస్తారు
అదివోయ్ సంగతంటూ
అమ్మపక్కన సెటిలయ్యే
డాడీ గుర్తొస్తారు

హే రుకురుకుమాం
స్టెప్పులు వేసి కుర్చీ తన్నేసిన
డాడీ గుర్తొస్తారు
దభీదభీమని చప్పుడు చేస్తూ
పిండి పిసుకుతూ ఆటలాడే
డాడీ గుర్తొస్తారు

గొంతుపెంచి కేకలువేసి
అంతా ఉత్తదేనని అభినయించే
డాడీ గుర్తొస్తారు
హాస్యం పండించే డాడీ
అనుక్షణం గుర్తొస్తారు
చదువుకోమని హెచ్చరించే డాడీ
పుస్తకం తెరిస్తే గుర్తొస్తారు

డాడీడాడీ మైడియర్ డాడీ
యు ఆర్ ది రియల్ హీరో
అందుకే మా మనసునేర్చిన మంత్ర మొక్కటే
పితృదేవోభవ
పితృదేవోభవ
పితృదేవోభవ

*చిట్టితల్లుల మనసుభాష
8 .3 .2000             

camp andaman

అది నా తొలి విమానప్రయాణం
మేఘాల మీదుగా
కింద బంగాళాఖాత అలలు

దూది పింజల మబ్బుల్లోంచి
శరవేగంగా కిందకిదిగి
వీరసవార్కర్ విమానాశ్రయం
చేరింది విమానం

మెయిన్ ల్యాండ్ నుండి దూరంగా అండమాన్
అన్ని వైపులా సముద్రమే
పోర్ట్ బ్లేయర్
సెల్ల్యులర్ జైల్
రాస్ఐలాండ్

లంచ్ టైంలో
కురిసిన కుంభవృష్టి
వెహికిల్ ఫెర్రీమీద
కార్లు జీపులు సైకిళ్ళు

ఒడ్డుకు చేరగనే
రణగుణధ్వనితో ఫెర్రీమీంచి
రోడ్డుమీదకి దూసుకుపోయే వాహనాలు   

పోకచెట్లు
రక్తంపీల్చే జలగలు
మ్యాంగ్రూవ్స్
సముద్రంలో కోరల్స్

తిరుగుప్రయాణం-
రికార్డ్ వినిపిస్తూ అభినయిస్తూ
జాగ్రత్తలు చెప్పే ఎయిర్ హోస్టెస్

క్యాంప్ అండమాన్
అందమైన జ్ఞాపకం

అక్కడ ఓరాత్రి
రోడ్డుమీద నడుస్తుంటే
నిశ్శబ్దాన్నిచీలుస్తూ
వినిపించిన శ్రీకాకుళంయాస
చెవినపడినప్పుడు నాఆనందం
వర్ణనాతీతం

16 .10 .2004        

sajeevam

పులి పంజా విసిరింది
కలవరపడింది ప్రభుత
పట్టుదల పెరిగింది అధినేతకి

పోలీసు యంత్రాంగం కదిలింది
ఎన్ కౌంటర్లో రక్తపుమడుగులో పులి

కనుమరుగయిందిపులి
సిద్దాంతం సజీవమే
అనుచరుల్లో సానుభూతిపరుల్లో

*కిషన్జీ ఎన్ కౌంటర్
26 .11 .2011 

khara bharatham

ప్రపంచకప్
ధోణీ సేనకందించి
మనల్ని అజేయుల్ని చేసి
స్నేహ పూర్వకంగా నిష్క్రమించింది వికృతి

ధారావాహికాల టి.ఆర్.పీలన్నీ
దారుణంగా పడిపోయేయట
ఆంటీలందరికీ ప్రపంచకప్ రియాల్టీ షోవే
తెగ నచ్చేసిందట

జాతీయక్రీడ హాకీ
కుర్రకారు ఉర్రూతలూగేది సచిన్ఆటకి
ప్రత్యక్ష ప్రసారాలలో
యావజ్జాతి తలములకలయినా
మీడియా చర్చిస్తుంటుంది
గెలుపు ఓటములు నిర్ణయించేది
జట్టు నైపుణ్యమా బెట్ మయాజాలమా అని

టాంక్ బండ్ సాక్షిగా
కూలిన తెలుగు వెలుగులు
ఆరువందలమంది ఆత్మబలిదానాల
మాటేమిటన్న తెలంగాణావాదం
తెలంగాణా తంత్రులు
సోనియమ్మ సవరిస్తే
ప్రత్యెక రాష్ట్ర సంగీత విభావరులు
పలు ప్రాంతాల్లో

వెనుకబడిన వర్గాలకి
రిజర్వేషన్లని ఏభైలలోనే
అమలుచేసిన రాజ్యాంగం
చట్ట సభలలో మహిళా రిజర్వేషన్లని
మరో అరవైవత్సరాలకి  సైతం
చట్టబద్ధం చేయకపోవడం
మచ్చుతునక  పురుషవేతల
దురహంకారానికి
మరోసారి జన్మించి అంబేద్కర్ మహిళగా
మహిళా రిజర్వేషన్ చట్టంకోసం
చేయాలేమో అవిశ్రాంత పోరాటం

కోట్లకి పడగెత్తిన వారికి
స్కేమ్లు వేడివేడిపకోడీలు
సామాన్యుడికి సంబంధంలేని
వికీలీక్స్ స్పైసీమసాలాలు
ఇరవైనాలుగ్గంటల న్యూస్ ఛానల్స్ కి
అవేమరి విందుభోజనాలు

స్వపక్షంలోనే
ప్రతిపక్షాన్నితలదన్నేవిపక్షం
రాజకీయనాయకుల
వ్యూహప్రతివ్యుహాలు
సరికొత్త రాజకీయపుంతలు
భారతావనిలోవింతలు

నేటిభారతంలో
ఎన్నెన్ని మహాభారతాలో
వరసిద్ధి వినాయకా
జరచూడవయ్యా
ఖర భారతాన్ని కాస్తకాపాడవయ్యా

3 .4 .2011
ఉక్కుసాహితి ఉగాది కవిసమ్మేళనం      
  

khara bharatham

ప్రపంచకప్
ధోణీ సేనకందించి
మనల్ని అజేయుల్ని చేసి
స్నేహ పూర్వకంగా నిష్క్రమించింది వికృతి

ధారావాహికాల టి.ఆర్.పీలన్నీ
దారుణంగా పడిపోయేయట
ఆంటీలందరికీ ప్రపంచకప్ రియాల్టీ షోవే
తెగ నచ్చేసిందట

జాతీయక్రీడ హాకీ
కుర్రకారు ఉర్రూతలూగేది సచిన్ఆటకి
ప్రత్యక్ష ప్రసారాలలో
యావజ్జాతి తలములకలయినా
మీడియా చర్చిస్తుంటుంది
గెలుపు ఓటములు నిర్ణయించేది
జట్టు నైపుణ్యమా బెట్ మయాజాలమా అని 
  

putrikotsham

పుత్రిక
విలువైన ఆస్తి
అపురూపమైన కానుక

అపుత్రస్య గతిర్నాస్తి అలనాటి నానుడి
నేటి తనూజ ఆత్మీయత అనురాగం
తల్లితండ్రులకు పంచి
తరింపచేస్తోంది వారిజన్మ

కుంచమంత కూతురుంటే
మంచందగ్గరకే కంచమట
ఆడపిల్ల  `ఆడ`పిల్లయినా
మనసంతా ఈడేనట  

కూతురు మన ఇంటి మహలక్ష్మి
మెట్టినింట గృహలక్ష్మి
అన్నదమ్ముల శ్రేయస్సు
అభిలషించే రక్తబంధం
రక్షా బంధనాన్ని బంధించే తోబుట్టువు

మనసున్న మనుషులకి
మమతలెరిగిన మనసులకి
పుత్రిక విలువ తెలిసింది నేడు 

కూతురిచ్చే వెలుగు
కుటుంబానికే వెలుగు
కూతురు విద్యవంతురాలయితే
కుటుంబం యావత్తూ
పొందుతుంది విద్యాగంధం

నేడు పుత్రికల దినోత్సవం
పుత్రికోత్సవం
గర్విద్దాం మనం పుత్రికలమైనందుకు
పుత్రికోత్సహాన్ని జనులీపుత్రికలని
ప్రశంసించినపుడు కలిగిద్దాం
తల్లితండ్రులకు

*on the occasion of daughters`day 

nishkalamka neta

జాతిరత్నాల నడుమ
మసిబారి పోయేవో

జాతిపిత జయంతి వెలుగులో
నీ జయంతి క్రీనీడయ్యిందో

విషమ స్థితిలోఆదుకున్నావు జాతిని
పిట్టమనిషివైనా పిడుగులుకురిపించేవు

జైజవాన్ జైకిసానని
జాతిని ఉత్తేజపరిచావు

అన్నదాతను అందలమెక్కించావు
సరిహద్దులు సంరక్షించే
వీర జవాన్లకై నీఎద పరిచేవు

సాదాసీదా జీవితం నీది
మహోన్నతం నీవ్యక్తిత్వం
పొట్టివాడు బహు గట్టివాడన్నారందరూ

మాయదారి జబ్బు నిన్ను మాయం చేసిందో
మనుషులే మాయ చేసేరో
ఆకస్మిక మరణం పరాయిదేశంలో

జోతలివే మానిష్కళంకనేతకి
శాస్త్రీజీకి

19 .11 .2011

pramaadaalu pramaadaalu

ప్రమాదాలు ప్రమాదాలు
అయ్యో చిన్నారులు

బడిలో తారవై మెరిసేవు
 రోడ్డుమీద రక్తసిక్తమయ్యేవు

బీచ్లో స్నేహంలో తడిసింది
రాకాసి మృత్యువు కెరటమై నోట కరచింది

కుక్కకాటు వాతపడ్డ పసివాడు
బిడ్డకోసంకడుపు చెరువైన కన్నతల్లి

ప్రమాదం అంటే భయం
ప్రమాదం తెలుసుకుంటే భయం

చిన్నక్కా నువ్వన్న క్షేమమే
తెలుసుకుందాం అందరినుండి

17 .11.2011
అక్కకవిత చదివి వెనువెంటనే 

ashavaadam

శిశిరం వెనుకే వసంతం
లోయల వెనుకే శిఖరం
చీకట్లు మింగే ఉదయం

రుతుధర్మం కాలగమనం
ప్రకృతితత్త్వం తెలుసుకుందాం
 ఆశావాదులమై అడుగు ముందుకేద్దాం

16 .11 .2011

alati alati padaalu

అలతి అలతి తెలుగు పదాలు
కావాలి నాకు
లలిత లాలిత్య పదాల వెలుగు
 కావాలి నాకు

పూర్ణ బిందువు మంత్ర స్వరమట
విసర్గ శివశక్తి రూపమట
విసర్గను సంస్కృతానికి విడిచిపెట్టి
 పూర్ణ బిందువు స్వీకరించా

అపుడు
కమనీయం
రమణీయం
 కవితాస్వరూపం

16 .11 .2011 

varamulosagiri velupulu

విరించి వరమిచ్చాడు
అర్ధ శతం పూర్తిచేస్తావని

శంకరుడు వరమిచ్చాడు
అర్ధ నారీశ్వరం ఎటువేపైనా
డాక్టర్ వి నువ్వని

వాగ్దేవి వరమిచ్చింది
డాక్టరమ్మకి అమ్మవిలే నువ్వని

సిరి కరుణించింది
మూడు బంగారాలు నీ సొంతమని

పార్వతి కటాక్షించింది    
తన తనయులు నాకు అన్నదమ్ములని

త్రిశక్తులువరమిచ్చారు
 అక్కలు నీకు అమ్మలేనని

అది దంపతులు వరమిచ్చారు
మేమే నీకు అమ్మానాన్నలమని
అత్తమామలమని

15 .11 .2011  

hamee iddaam

విరోధినుండి
వికృతిలోగా

ఓచిర పరిచిత నవ్వు
రాలిపోయింది
నమస్తే అక్కయ్యా నమస్తే చెల్లెమ్మా
నమస్తే అన్నయ్యా నమస్తే తమ్ముడూ -అంటూ
సందడి చేసే ఆ నవ్వులరేడు
తొందరపడి ముందే సెలవుతీసుకున్నాడు

కృష్ణమ్మ తుంగభద్రలు
ఉప్పొంగితే - ఉప్పెనే
ప్రజల జీవితాల్లో
వరద మోసుకొచ్చిన
రాజకీయ బురద
ఇంకా వదిలించుకోలేని ప్రభుత

మహిళా బిల్లు
పురుషాహంకారాల నడుమ
కొట్టుమిట్టాడుతోంది

నానాటికీ వేడెక్కుతున్న ధరిత్రి
అంతకు మించి వేడెక్కుతున్న
రాష్ట్ర రాజకీయాలు

తెలంగానం - బృందగానమయింది
అన్నదమ్ముల నడుమ
అభివృద్ది గణాంకాలు
అవసరమయ్యేయి

జగన్నాటక సూత్రధారి
రంగ ప్రవేశం  రాష్ట్రంలో
జగన్నాధ రధచక్రాల గమనం - మరెటో

రాష్ట్రచీలిక అనివార్యమైనా
తల్లి అవిభాజ్యం
తేనెలొలుకు తెలుగు ప్రగతికి
హామీ ఇద్దాం - బిడ్డలందరం

2010 ,ఉగాది కవిసమ్మేళనం 







 

erupu

ఎరుపు కమ్యూనిజం
ఎరుపు మార్క్సిజం
ఎరుపు గురువమ్మ సంతకం

ఎరుపు సాహసం
ఎరుపు జనంబలం
ఎరుపంటే భయంభయం

ఎరుపు ఉదయం
ఎరుపు అస్తమయం
ఎరుపు సహస్రదళపద్మం

ఎరుపు కంటిజీర
ఎరుపు ముక్కంటిచూపు 
ఎర్రసిరా మావృత్తికాధారం

27 .2 .2006 

ayomaya sarwajit

పేరుకి శాశ్వత సభ
గతం అశాశ్వితం
భవిత ప్రశ్నార్ధకం
నేడది నూతన శిశువు
ప్రాణం పోసేది ఆయువు తీసేది
అధికారపక్షాలు

మృత భాషలో మార్కులపంట
తెలుగు నోట దొరలభాష
తెలుగునాట నిర్జీవమవుతున్నమాతృభాష

పవిత్ర వృత్తివిద్యాకళాశాలలలో
పైశాచిక ర్యాగింగులు
ఆత్మహత్యతో  అంతమయ్యే
అన్నదాతల బతుకులు

అర్ధనారీశ్వరత్వం ఆవిష్కరించినా
ఆ పరమశివుడు-
చట్టసభలలో మహిళా రిజర్వేషన్
అమలుకి తావివ్వని రాజకీయపక్షాలు
ఆడశిశువు జన్మించే హక్కు సైతం
కాలరాసే భ్రూణహత్యలు

తెలుగునాట
వేరు కుంపట్లు ప్రాంతీయవాదాలు
రాష్ట్రాన్ని తెలుగు తమ్ముళ్ళు
వాటాలేసుకున్నా
తెలుగుసంస్కృతిని త్రివేణీ సంగమంగా
పదిల పరుచుకుంటూ మెరుగుపరిస్తే
అదే పదివేలు

అయోమయంతో అడుగిడుతున్నసర్వజిత్
 స్థిర విజయాలనే సాధిస్తుందని ఆశిద్దాం

18 .3 .2007 
ఉక్కుసాహితి ఉగాది కవిసమ్మేళనం 


  

virodham vaddu, virodhee....

కరెంటు ఉచితం
కలర్ టీవీ ఉచితం
సెల్ ఫోన్ ఉచితం
అయాచితంగా వచ్చిపడిన  పేదరికానికి
అన్నీ ఉచితమే ఎన్నికల సమయంలో

కార్పొరేట్ కాలేజీల
అమ్మకపు సరుకు
అమ్మానాన్నల సుందర స్వప్నం
యువతీయువకుల డాలర్ డ్రీమ్స్
అన్నీ కొట్టుకుపోతున్నాయి
ఆర్ధిక మాంద్యంలో
చిద్రమౌతున్నాయి మానవ సంబంధాలు

సత్యం మిథ్యగా మారినవేళ
సత్యాన్ని తిరగేసి
తలరాతలు తిరగరాసినవేళ
వాపాబలుపా మీమాంసకి సమాధానం
సాఫ్ట్ వేర్ సంక్షోభం

యత్ర నార్యన్తు పూజ్యతే
తత్ర దేవతా రమంతే
వేదభూమిలో
అతివలను వెంట తరిమిన
హిందూతాలిబాన్లు
సంస్కృతి దిగజారుతోందంటూ
మరింత దిగజారుతున్న కుసంస్కారులు

తాజ్ లో పేలిన తూటాలకి
 ఉగ్రవాదచర్యలకి
ప్రేమోన్మాద ఏసిడ్ దాడులకి
ఆధార భూతమయ్యింది
సర్వధారి వీటన్నిటికీ

అజ్ఞాన తిమిరాన్ని అధిగమిస్తూ
విరోధిద్దాం విరోధిలోనైనా
అమాయకత్వంతో పేదరికంతో
వాగ్దానాల వ్యపారంచేసే
తుచ్ఛ రాజకీయాల్ని

విరోధిద్దాం పైశాచిక చర్యలూ
పాశవిక దాడులూ
అణిచివేత -దోపిడీ

విరోధిలో విరోధం వద్దు
సమైక్యతే ముద్దు ఎప్పటికీ.....

21 .3 .2009
ఉక్కుసాహితి ఉగాది కవిసమ్మేళనం

samaikyamayyam

అత్యాచారాలూ బలవన్మరణాలూ
అంతిమ గడియ వరకూ
పెనుగులాట -పోరాటం
అతివ చరిత సమస్తం
పరపీడన పరాయణత్వం
రక్తసిక్తం

ఎందరో స్వప్నికలు-ఆయేషాలు
మైనరు బాలికలపై అత్యాచారాలు
సాముహిక అత్యాచారాలు
ప్రేమ పేరుతో తెగనరికే
ప్రేమోన్మాదులు -ఏసిడ్ దాడులు
గడప దాటితే చాలు
వేధింపులు వేటకుక్కలు

అన్ని చానళ్ళకు ఇరవైనాలుగ్గంటలపాటు
సంచలన వార్తవౌతావు
కన్నవారి గుండె బద్దలు చేసే
బ్రేకింగ్ న్యూస్ వౌతావు
ఏబీచ్ లోనో శవంగా కొట్టుకొస్తావు
ఒంటిమీద కత్తిపోట్లతో
ఇంట్లోనే ఎదురౌతావు

కధానాయికవైనా
బుల్లితెర మెరుపువైనా -మైమరుపువైనా
అర్ధరాత్రి కాల్ సెంటర్లో డ్యూటీ దిగినా
పట్టపగలు ప్రేమికుని కలిసేందుకు ఆటో ఎక్కినా
భయంకర మరణం నీ గమ్యస్థానం
కాకుంటే అమానుష అత్యచారపర్వం

బతికున్న దెయ్యాలూ పిశాచాలూ
మృత్యువు వరకూ నిన్ను తరుముతాయి
మృత్యువు కోరల్లో నువ్వొంటరి వయినా
కోటి గొంతులతో ఈఅన్యాయన్నీ
దౌర్ర్జన్యానీ ప్రశ్నించడానికి
మేం సమైక్యమయ్యాం

మరో స్వప్నిక-అయేషా
దుర్మరణం పాలుకాని
సమాజాన్ని మేం స్వప్నిస్తున్నాం

మే2009,భూమిక
    

taj

కళల రేడు షాజహాన్
సుందర స్వప్నం తాజ్
చలువరాతి కనువిందుతో
 పసందైనతాజ్

వెన్నెల సొగసులు
కానల పాల్గానీక
తన సొంతం చేసుకునే
వగలమారి తాజ్

నల్లని యమునకు
చల్లని చెలిగా జతచేరిన
తెల్లని పాలవెల్లి తాజ్

మండుటెండలో
 జిగేల్మని మెరిసిపోతూ
మిడిసిపడే తాజ్

అంగాంగం లో
ఇంకిన శ్రమజీవుల స్వేదంతో
స్వచ్ఛమై  శాశ్వతమై నిలిచిన తాజ్

అచేతనావస్థ -అజరామర ప్రేమ
అవలోకించే అశేష జనవాహిని

మధ్య యుగపు
మహాద్భుతంతాజ్
మన సాంస్కృతిక వారసత్వ సంపద తాజ్

29 .1 .2001
*చమట చలువను చేర్చి
చలువ రాతిని తీర్చిన
లక్షలాదిమంది శ్రామికులకే  

swedam

పది రూపాయలకు
ఐదు కలాల నమ్మితే
నీకేం మిగిలిందయ్యా
అర్ధరూపాయి జీవనోపాధి తప్ప

పదిరూపాయలకు
అరడజను టైలరింగ్ సామగ్రినమ్మితే
నీకేం మిగిలిందయ్యా
అర్ధాకలి బతుకుతప్ప

రెండు రూపాయలకు
కేజీ టమాటాలమ్మితే
నీకేం మిగిలిందయ్యా
వీసెడు స్వేదంతప్ప

29 .1 .2001
*రైలాగిన అరనిముషంలో
 తమ వ్యాపారం చేసుకునే
చోటాబిజినెస్  వాలాలకు  

ashaa pardhivam

చిదిమిన పాల్గారు
చిన్నారి మొగ్గలు త్రుటిలో మసిబొగ్గులుగా
మార్చిన కుంభకోణం అగ్నిప్రమాదం

ఆనాడు శుష్కమై గాలిలో కలిసిన
పసికూనల ఆర్తనాదాలు
ఈనాటికీ నాచెవిలో గింగురుమంటున్నాయి

కసిమొగ్గలుగానే మసిబారిపోతే
ఆ కన్నతల్లుల కడుపుకోత
మనకంట మారింది కన్నీటి సంద్రంగా

క్షమించరాని నేరం
భరించలేని ఘోరం జరిగిపోయింది
మధ్యాన్న భోజనం మృత్యువుగా మారింది

తారణ ఉగాదికి స్వాగతంపలికాం
మంగల తోరణాలతో
కానీ మనకేం తెలుసు
కొంగు చాటున సునామీ రక్కసిని
కొన్నినెలల పాటు దాచేస్తుందని
మనం ఏమరపాటుగా ఉన్నప్పుడు
అది మీదపడి దాడి చేస్తుందని
రాకాసి అలగా విరుచుకు పడుతుందని

తారణం మోసుకొచ్చిన
సునామీవిషాదం ఎన్నివేల కుటుంబాలలోనో-

సానియా మిర్జా సాధించిన విజయాలు 
తెలుగు జాతికి తీపి గురుతులు మిగిల్చినా
తారణం నడకంతా చాప కింద నీరులా
వేప పూవెక్కువైన ఉగాదిపచ్చడిలా
చేదు అనుభవాల గురుతుగా మిగిలింది

రాజకీయ రహస్యమో -మఠంలో కావేషమో
జనం మెచ్చని-మాయని మచ్చ -కంచి కధ
కంచికో కోర్టుకో తేల్చాల్సినది పార్ధివం

కాలం -చేసిన గాయాలను
 మాన్పుతుంది మరుపు మందువేసి
నడిపిస్తుంది మునుముందుకి
అందుకే ఆశావాదంతో అడుగు ముందుకేద్దాం
స్వాగతం పలుకుదాం పార్థివ ఉగాదికి

ఉక్కు సాహితి ఉగాది కవిసమ్మేళనం 

ennikala tharanam

మహిళలకి చట్ట సభలలో 

మూడోవంతు సీట్లు కేటాయించకుండానే 

ఎన్నికలొచ్చేసాయి

యువతకి బీదాబిక్కికి

ఉపాధికల్పన లేకుండానే 

ఎన్నికలొచ్చేసాయి  

ప్రపంచ బ్యాంకు రుణాలు 

తీర్చాల్సినది ఎన్నితరాల భారతీయులో

తేలకుండానే ఎన్నిక లొచ్చేసాయి 

సరళీకరణ -ప్రపంచీకరణ -

ప్రైవేటీకరణ విధానాలతో 

లాభపడ్డది అభివృద్ధి చెందిన దేశాలో 

సగటు భారతీయుడో-

నిరుపేద కార్మికుడో-కర్శకుడో 

తేలకుండానే ఎన్నిక లొచ్చేసాయి

సూడో  సెక్యులరిజాలూ
స్టాంపుల కుంభకోణాలూ
ఏవీ ఓ కొలిక్కి రాకుండానే
ఎన్నికలొచ్చేసాయి

కాషాయం చదువునీ సంస్కృతినీ

కాషాయీకరిస్తుందో

హస్తం అధికారం హస్తగతమయ్యాక

రిక్త హస్తమే చూపిస్తుందో

రాష్ట్ర ఆర్ధిక సాంఘిక 

ద్విచక్రాలకి పంక్చర్లే పడతాయో 

ఏదీతెలియని అయోమయంలోకి 

జనతని నెట్టేసి ఎన్నికలొచ్చేసాయి

తారణ ఉగాది

ఉగాది పచ్చడి కసింత చేదయినా

తెలుగుతనమంత కమ్మగా ఉంటుంది 

సగటు మనిషి బతుకు 

కటిక చేదు కాకుంటే అంతే చాలు 

ఎన్నికల -గ్రీష్మ -తాపాలతోవేడెక్కుతున్న 

భరతభూమి మేలైన నాయకుల 

ఎన్నికతో చల్లబడితే అంతేచాలు 

ఉక్కుసాహితి ఉగాది కవిసమ్మేళనం

18 .3 .2004

premageetam

చూపులు కలిసిన శుభతరుణంలో 

అంకురించెలే నీపై ప్రేమ 

మనసులు కలిసిన మధుర క్షణాలలో 

మొగ్గ తొడిగెను మనప్రేమ

నలుగురిలో నేనున్నా 

నా తలపులలో నువ్వేలే

ఏకాంతం నాదైనా

మదినిండా నీవేలే 

ప్రేమ పరితప్త హృదయం నాది 

అమృత కలశం అందించవోయి 

17 .4 .2002 

varsham

రాత్రంతా ఏనీలిమేఘాన్ని 

ప్రకృతి తన గుండెపై మోసిందో 

తెలతెల వారుతుండగా 

కన్నీరై కురిసిందో 

ఏసంతసాన్నిఎదలోన దాచిందో 

ఆనందభాష్పమై జాలువారిందో

ఆకుమీద ఒక చప్పుడుగా 

రేకు మీద ఒక చప్పుడుగా 

నీటిబొట్టుకై తపిస్తున్న 

మట్టితోకలిసి పరిమళంగా.....

7 .2 .2000

meemaamsa

సర్వజిత్ మీమాంసలు 

సర్వధారి సమాధానాలు 

మాయావతితో మంతనాలు 

చంద్రబాబు తో చెట్టపట్టాలు 

తమ్ముడు వాయువేగం 

బామ్మర్ది మనోవేగం 

మెగాస్టార్ మౌనానికి మరి కారణం 

అధికార ప్రతిపక్షాలకి 

సొంత గూళ్ళలో ఎదురు దెబ్బలు 

రిలీజ్ కాని బొమ్మకి పబ్లిసిటీ ఆర్భాటం 

రాష్ట్ర రాజకీయాల్లో చిరుగాలే పెను తుఫానా 

సర్వధారి సమాధానానికెదురు చూద్దాం

సర్వజిత్ లో పరాకాష్ట కి 

చేరుతుందనుకున్న తెలంగానం 

సర్వధారి వరకూ రావణ కాష్టమే 

తెరాస రాజీనామా రాజకీయాలు 

మౌనం వీడని madam 

ఏఉగాది తెలంగానానికి తెర ఎత్తనుందో 

తెలంగాణ వాదానికి తేరా దించనుందో

తెలంగాణమా-సమైక్యంధ్రమా -అదే మీమాంస 

సర్వధారి సమాధానానికెదురుచూద్దాం

మధ్యంతరం తధ్యమన్న 

పతాక శీర్షికలు 

వార్షిక బడ్జెట్ లో వరాల  వెల్లువ 

అప్పుడే ఎన్నికలా 

అవాక్కైనజనం 

సర్వధారిలో సైతం వేలాడుతున్న 

డమక్లేస్ ఖడ్గం 

మధ్యంతరమా -సాధారణమా

సర్వధారిలో సమాధానానికెదురుచూద్దాం 

వందకి చేరుకున్న వంటనూనె 

కొందామన్నాదొరకని కూరగాయలు 

కొండెక్కి కూర్చున్న వెచ్చాల ధరలు 

మీమాంసకి  తావులేని ఆర్ధిక అవస్థలు 

ఉగాదినాడు ఉగాది పచ్చడే విందుభోజనం 

నిత్యం ఛస్తూ బతికేవారికి 

నవ్వుల టానిక్ -నేటి రాజకీయాలే

ఉక్కుసహితి ఉగాది కవిసమ్మేళనం ,2008

  

swaagatam

నీటిని చీల్చుకొని 

సముద్రంలో సముద్రంలో సాగిన జల ఉషలా 

జీవితాలను చీలుస్తూ 

సాగిపోయింది వృష 

నరనరాల్లో ప్రాణభీతి నింపిన 

గోద్రా మారణహోమం 

రావణ కాష్టమై రగులుతున్న మత విద్వేషం 

మైనార్టీల భయోద్వేగాల నడుమ 

అయోధ్యలో నాటకీయ శిలాదానం

పాశవిక హత్యలు దుర్మరణాలతో

మరింత ఎర్రబడ్డ మంచు లోయలు 

గోపురాలమీంచి కూలి రాలి పోతున్న 

తాజమహల్ పావురాలు 

ఉదయించకనే అస్తమిస్తున్న ప్రత్యూషలు 

కరెంటు షాకులతో కకావికలవుతున్న రైతన్నలు 

విద్యార్ధుల మస్తిష్కం నుంచి 

అంతరిస్తున్న కైబర్ కనుమలు 

ఆవిష్కరించబడుతున్న సైబర్ కేఫ్ లు 

అడుగడుగునా సుడిగుండాలే

అయినా -జన చైతన్యం 

నవోదయానికి నాంది

అందుకే ఆవాహన చేద్దాం 

తమస్సును సంహరించే 

కోటి ప్రభల రవితేజాన్ని 

సాదరంగా స్వాగతమిద్దాం 

నవ చైతన్య చిత్ర భానూదయలకి 

ఉక్కు సాహితి  ఉగాది కవిసమ్మేళనం,2002 

4 .4 .2002   

leekayina prashna pathram

హరితానికి కొరత వచ్చిన 

కరువు కాలంలో 

కోకిల కుజితాలూ లేవు 

ఆమని సోయగాలూ  లేవు 

జాతీయమృగం  చర్మం ఒలిచి 

గజరాజు దంతసిరులకై భీభత్సంగా తెగనరికి 

సొమ్ముచేసుకునే వేటగాళ్ళ-మంత్రివర్యుల విందులకి

కరుసయిపోయి కనుమరుగైన 

మయూరాల నాట్యాలూ లేవు 

ప్రకంపాల చేదుఅనుభవాలు 

చవిచూసిన జాతికి వేప్పువ్వు  వగరు విసుగెత్తింది

వృషనామ వత్సర ఆంధ్రభారతంలో 

ప్రపంచ బ్యాంకు షరతులతో కూడిన అప్పులు 

పప్పుకూడయితే

ఉప్పుధరకూడా ఊపందుకుంటుంది 

హై టెక్ మహా మంత్రం చీకట్లో జపించడమే

మనకిక మిగిలింది 

గణతంత్ర దినోత్సవాలలో మిరుమిట్లు గొలిపిన 

రక్షణ రవితేజానికి భక్షణ లాలూచీగ్రహణం 

తెహెల్కా వెలుగులో 

అధికార యంత్రాంగ అవినీతి కుంభకోణం 

నేటి పంచాంగశ్రవణం 

ముందేలీకైన ప్రశ్నపత్రం

ఉక్కుసాహితి ఉగాది కవి సమ్మేళనం   

MARCHING TOWARDS DESTINATION

I am a soldier
With a pen in my hand
And a zeal to inspire humanity

I am a soldier
On a mission to awaken masses
To a world free of exploitation

I am a soldier
Carrying revolutionary ideas
Raising the slogans Liberty and Equality

I am a soldier
In the path of martyrs
Dreaming a socialist world of equals

I am a soldier leading Half the sky
To a better society with dignity

I am a soldier
Holding the candle of hope
Marching towards destination

1 .2 .1999  

pumbhavasaraswathi

తత్త్వంలో  సోక్రటిస్ ని   

సరళత్వం లో గాంధేయాన్ని

నిశ్చలత్వంలో బౌద్ధాన్ని

బోధనలో రాధాకృష్ణుని 

వర్చస్సు లో సూర్య తేజస్సుని

సూరమ్మ తో జీవితాన్ని 

కలబోసుకున్న పుంభావసరస్వతి కి 

వందనములు

19 .12 .1999

pumbhava saraswathi

తత్వం లో సోక్రటీస్

సరళత్వంలో గాంధేయం

నిశ్చలత్వంలోబౌ

sahasrabdi

విప్లవాల సహస్రాబ్ది

స్వేచ్ఛా సమానత్వాలకిది పునాది

నిరంకుశత్వాన్నెదిరించి  

బాస్టిల్ లో  ఘన విజయం సాధించి 

విజయబాపుటా ఎగరేసిన  ఫ్రెంచివిప్లవం 

రాచరికాన్ని పరిమితం చేసి 

ప్రజాస్వామ్యానికి పట్టంకట్టిన 

రక్తరహిత విప్లవం

ప్రాతినిధ్యం లేనిదే పన్నుకట్టమని 

సామ్రాట్టునే సవాలుచేసి 

స్వేచ్చాదుందుభి మోగించి 

వలసపాలన అంతం చేసిన అమెరికన్ల పోరాటం 

పనిహక్కును విద్యాహక్కును కల్పించి

సమసమాజానికి రాచబాటైన

రష్యన్ విప్లవం 

ధనికస్వామ్య కోరలనుండి

పేదరైతుల చెర విడిపించి 

సుదీర్ఘయాత్రలోఅమరులైన 

చైనావీరుల ప్రజావిప్లవం 

మండే ప్రతి హృదయం విప్లవమై 

పలికే ప్రతిమాటా ఆయుధమై 

విప్లవాల సహస్రాబ్ది 

సామ్యవాద నవశకానికి నాంది

డిసెంబర్ ,1999

sahasrabdi

kastam

ఎంత కష్టం ఎంత కష్టం 

వారంలోఆరు రోజులు
 బడికి బస్తా మోయాలంటే ఎంత కష్టం 

కళ్ళని నిద్దర బంధిస్తుంటే

లేలెమ్మని నిర్బంధిస్తే

ఎంత కష్టం 

మనసు తీరా ఆడకుండానే 

 పుస్తకం తీయమని పెద్దరికం చూపితే 

ఎంత కష్టం 

ఆకలాకలని కేకలు పెడితే 

చదువు సంగతి ముందంటూ 

హోమ్ వర్క్ చేయమంటూ 

వాయిదాలు వేస్తే ఎంత కష్టం 

అమ్మ మీదపడి 

ముద్దుల వర్షం కురిపిస్తే 

ఆటలు సాగవని విసుక్కుంటే

ఎంత కష్టం 

1 .2 .2000  

kavitha

కవిత నా రూపం 

కవిత నా ప్రాయం  

కవిత నా నేస్తం 

కవిత నా ధ్యానం 

కవిత నా భాష 

కవిత నా శ్వాస 

కవిత నా హృదయం 

కవిత నా ఆయుధం 

కవిత నా జీవితం 

నా హృదయం కవితామయం 

sarat chandrudu

శరద్రాత్రులలో

పున్నమిచంద్రుడు 

దూదిబంతిలా

మల్లెచెండులా

వెన్నముద్దలా

వెన్నెల కురిపిస్తూ 

మైమరిపిస్తూ 

మెరిసిపోతూ ....

21 .12 .1999

prapamcha sundari

దీనుల కోసం 

చరిత్ర హీనులకోసం 

తన బతుకు కరిగించే 

ప్రతినారీ ప్రపంచ సుందరి 

ప్రతికూల పరిస్థితులపై

పోరాటం కొనసాగిస్తూ 

ఏటికి ఎదురీదే 

ప్రతి మహిళా 

ప్రపంచ సుందరి 

దురాచారాల దుష్టశక్తుల 

కొమ్ములు వంచే 

ప్రతి సబలా ప్రపంచ సుందరి 

ప్రజల మనిషిగా పోరుబాటలో 

ముందుకు సాగే 

ప్రతి వనితా ప్రపంచ సుందరి 

20 .12 .1999 

motherly teacher

Teacher
The Mother in School
Mother
The Teacher at Home

Teacher loves her students
Mother trains her children
Teacher moulds  the character
Mother gives worldly knowledge

Teacher shows motherly affection
Mother gives masterly guidance
Indiscipline of the child worries them both
Success-makes them proud

Child
The pet of two lovable mothers
Student
The FAN of two great teachers
The baby bud enjoys
care and nurture of
Both the Gardners

vyaya aadaayaalu

సోనియా ఐడియా 

జాతి జీవనాన్నే మార్చివేస్తుంది 

కేంద్ర రాష్ట్రప్రభుత్వాలు 

ఏపధకాలు చేపట్టినా 

క్రీనీడలా వెన్నంటి వుంటుంది 

ప్రపంచ బ్యాంక్ నెట్ వర్క్ 

అసెంబ్లీలో ఆవేశాకావేశ ప్రసంగాలు 

కడుపుకి అన్నమా -చేతికి గాజులా-

వ్యర్ధప్రశ్నలు 

హత్యాకాండల సత్యాలను 

బట్టబయలు చేస్తున్న చట్టసభలు 

దేశభాషలందు తెలుగు లెస్స 

తెలుగునాట తెలుగు లేస్సే 

దేశంలో తెలుగుమాటదే రెండో స్థానం 

ఏవాశి బలమూ -ఏ రాశి ఫలమూ 

కల్పించలేని ప్రాచీనత 

అదేమీ దుర్గతో-మరేమిసంగతో 

తెలుగు ప్రాచీనతకి కరువైన ప్రాపకం 

కమిటీ కూటాల కుమ్ములాటలు కావు 

కలంతో కలకలం రేపే 

కవుల గళాలు గర్జించాలి 

రాజకీయ నాయకుల నీచభాషతో

చవకబారు సినీభాషతో 

తెలుగు పతనమయ్యేకన్న 

మమ్మీ డాడీ అన్నా

ఆంగ్లంతో పెనవేసుకున్నా   

సంస్కారంతో కూడిన భాషే మిన్న 

సున్నా బూచితో బెదిరించి 

ప్రాణాలు తీసే కీచకాచార్యులు ఎందరెందరో

అమ్మాయిల బతుకునీ భవితనీ

కాటువేసే విష-మగ-నాగులెన్నో 

అందుకే అచ్చ తెనుగు అక్షరాలు

తమని దర్పణంగా మార్చి 

అద్దం  పట్టమంటాయి 

రాజకీయ అరాచకాన్నీ

సమాజంలో పైశాచికత్వాన్నీ  

పార్ధివపరిస్థితి 

ఈ దుస్థితిలో ఉంటే

వ్యయ వత్సరంలో ఎన్ని ప్రయాసలో 

అయినా సంధిద్దాం

పదునెక్కిన మన అక్షర బాణాల్ని 

సాధిద్దాం వ్యయ వత్సరంలో 

విజయాల ఆదాయాల్ని 

25 .3. 2006 

ఉక్కుసాహితి కవిసమ్మేళనం

maavi

స్టీల్ సిటీ నుండి 

విశాఖ సిటీ వరకు ఆ హైవే 

అంతా నాకిష్టం 

మరీ రద్దీలేని హైవే

హరితం 

చెట్లు కొండలు

 ఎన్ .ఎ .డి పైనుంచి చూస్తే

వయ్యారంగా నడుం వాల్చిన 

అందమైన అమ్మాయిలా 

హొయలు కురిపిస్తూ 

అద్భుతంగా దర్శనమిచ్చే

సింహాచలం కొండ 

ఎన్నిసార్లు చూసినా

మరింత అందంగా 

ఆ హై వే స్టీల్ సిటీకి 

సిటీకి వారధి 

ఒక ప్రశాంత వాతావరణానికి 

బిజీ సెంటర్ కి  వారధి 

ఎందరో విద్యార్ధులని ఉద్యోగులని 

మోసుకు తిరిగే బస్సులు 

జంటలతో కళ కళలాడే 

ద్విచక్ర వాహనాలు 

బళ్లమీదే ఆదమరిచి
 నిద్దరోయే పిల్లలు 

ఈ రాజమార్గం మాది 

మేం గర్వించే 

విశాఖ సోయగాలన్నీ

అచ్చంగా మావే 

1. 10 . 2005 ,.మెయిల్   

kanche

భయంకర దృశ్యాలు 

మృత్యువుకు చేరువౌతూ  

బచావ్ బచావ్ అంటూ చేసే 

అస్పష్ట ఆర్తనాదాలు 

నిన్న నింగిని చుంబించిన ఆకాశ హర్మ్యాలు 

నేడవి కుప్పకూలిన పేకమేడలు 

చిన్నాభిన్న మృత దేహాలు 

చెదిరిన కుటుంబాలు 

ఆప్తుల ఆక్రందనలు 

ఆర్భాట గృహప్రవేశాలు 

వ్యర్ధమైన వేదమంత్రాలు 

గుమ్మంలో వేలాడేసిన గుమ్మడికాయ 

ధ్వంసమైన హ్యుమన్ బాంబ్ లా 

ఆత్మాహుతి చేసుకుంది 

స్వజనాన్నే  పొట్టనపెట్టుకున్న ఇల్లు 

నిరపరాధినంటూ క్షమాభిక్ష కోరింది 

9 .2 .2001 ,వార్త       

concern

గంటల గడియారానికి పరదా వేస్తావ్ 

నాకు నిద్రాభంగం కారాదని 

వెలుతురు తొంగి చూడకుండా 

తలుపులన్నీ బిగిస్తావ్ 

పిల్లిఅడుగులు వేసుకు నడుస్తావ్ 

పిల్లలకి హుష్ హుష్షని

సైగలు చేస్తావ్ 

బంగరునిద్రని నాకు 

కానుకగా ఇవ్వడానికి 

శతవిధాల యత్నిస్తావ్ 

కన్నతల్లిలా సాకేగుణం నీకుండగా 

పసిపాపనికానా నీగృహసీమనేలినా    

pancharatnalu

త్రిశక్తులే తనయలై 

తరలివచ్చారు మీదరికి 

పెద్దచెవులగణపయ్య 

అరివీర భయంకరుడామురుగన్ 

మీఇంటి సల్మాన్ 

రామలక్ష్మణుల అండదండల దశరధులా

బలరామకృష్ణుల నందులా 

విఘ్నదేవుని ఇంటి భోళాశంకరులా మీరు 

కూతుర్ల ముచ్చట

తీరలేదని తనయలే అయినారు 

మీఇంటి కోడళ్ళు 

కొడుకుల ముచ్చట తీర్చడానికి 

తనయులైనారు అల్లుళ్ళు 

ఎలా లెక్కించినా పంచరత్నాలే

మీ ఇంటి ఘనులు-మీ కంటి సిరులు 

అభినందనలు మీకు 

అమ్మానాన్నలకు 

     

prema varadai varamai.....

సహనం సహకారం 

సమర్ధత సౌశీల్యం 

దయార్దహృదయం సహాయగుణం

ఇన్నిటి సమ్మేళనం అది నువ్వు 

సాహచర్యం నీతో 

సహగమనం నీతో

సావాసంనీతో సహవాసంనీతో 

వసంతాలు నీతో 

శరద్రాత్రులు నీతో 

వెన్నెలహాయి నీతో 

చిన్నారుల సిరులు నీతో 

చిరునవ్వుల హొయలు నీతో 

చిదానంద చిత్తం నీతో 

మల్లెలు మరువాలు నీతో 

జాజులు విరజాజులు నీతో 

సంపెంగలు సౌరభాలు నీతో 

గులాబీలు గుబాళింపులు నీతో 

వెలుగురేఖల తొలిపొద్దు నీతో 

సాయంసంజల సోయగాలు నీతో 

ప్రేమ వరదై వరమై వస్తే అదినువ్వు

అభిమానం-అనురాగం 

ఆత్మీయత-అపురూపం 

అన్నీ కలగలిసి అది నువ్వు 

chirunavvula deepavali

నీ తొలిఅడుగు

 మా ఇంటే  దీపావళీ 

నీ తొలి వెలుగులు 

మా కనులలో దీపావళీ 

చిరునవ్వు చిచ్చుబుడ్డ్లు

చిన్నారుల అల్లరులు 

కన్నుల మతాబులు 

జోకుల టపాసులు 

తుళ్ళింతల కవ్వింతల కేరింతల 

కాకరొత్తులు

వెన్నముద్దల వెలుగులు 

నవ్వుదొంతరల వెల్లువలు 

కబుర్ల తోరణాలు 

ముచ్చట్ల ముత్యాల వెలుగులు 

ముద్దుమురిపాల పాలకోవా 

ప్రమోదాల ప్రమిదలు 

అన్నీమోసుకు వస్తుంది 

చిన్నమ్మాయి

అన్నీ అమరుస్తుంది 

పెద్దమ్మాయి 

దీపావళి వెలుగులు 

కలకలలు కళకళలు

ద్విగుణీకృతం ఇంటాయన అట్టహాసంతో 

వీనుల విందు బలేపసందు

అద్భుత దృశ్యమాలిక ఇల్లాలికి   

alalu alaluga

అల కెరటమౌతోంది

అర్ధరాత్రి సమయంలో 

అలజడి కానా మరి నేను

మూడో కొమరితగా 

కలల అలజడి కన్నెవయసులో

బాధ్యతల అలజడి నడివయసులో

అశక్తత అభద్రత

అవేమరి అలజడివృద్దాప్యంలో 

అల కరిగిపోతుంది 

నిశ్శబ్దమై నిర్వాణమై నిశ్చలమై

అలగా అద్భుతం నీవు 

అలగా లయ నీవు   

లయింఛినంతవరకు అలవే నీవు 

అలజడివద్దు మనకు 

మిగిలిపోదాం అలలు అలలుగా కలలుకలలుగా 

5 .11 .11

Virinchi

విరించి రచించాడో

నూతన చరిత

నానమ్మలుగా అమ్మమ్మలుగా 

పదోన్నతి

అభినవ రాయలు

అడుగు పెట్టేడు తెలుగింట - రాజసంగా -

ఇద్దరు నాయనమ్మల పైత్యం

 ప్రకోపిస్తే మరింత 

ఎడపెడా రాసేస్తాడు

తెలుగు,కన్నడ,ఆంగ్లేయాలలో               

నాన్నతో - అమ్మతో

అందరితో డాన్స్ చేయించేస్తాడు

ఏడాది నిండకనే అన్నిరకాల వూపులు

నేర్చి మైఖేల్ జాక్సన్ - ప్రభుదేవా

మరెందరెందరినో తలపిస్తాడు

మరిపిస్తాడు మునుముందు -

దాడి చేయకండి  సుమీ

వాడి ముద్దొచ్చే బుగ్గలపై

ఆపిల్ పళ్ళే అవి మరి

ఆనందించండి 'ఫెదర్ టచ్' తో -

వారసుడు కాకరపర్తికి -

పౌరసత్వం అమెరికా -

దసరా సరదాలను

దీపావళి వెలుగులను

మోసుకొచ్చేడు

కానుకలుగ

మూడు  తరాలకి -

 

 హైద్రానిండా

ఎటు చూసిన ముత్తాతలు 

తాతలే

అచ్చ తెలుగులో నేర్చుకో

తాతా అని నోరార పిలువ

మళ్ళీ కలిసేసరికి 

ఎంత ఎదుగుతాడో మనవాడు

మా ముద్దుల మనవడు 

నానమ్మ శుభాకాంక్షలు నిరంతరం

చిరు ముద్దులు లేలేత బుగ్గలపై ప్రతిరోజూ

                    

                     

                       22nd oct; 2011

Maatrudevobhava

శుక్ల పక్షంలో పుట్టేవు

దిన దినం మరింతగా

అంచెలంచెలుగ ఎదిగావు -

నాగమ్మకి శక్తి మెండు

ప్రతాపం మెండు

పౌరుషం మెండు

కానీ సుధలు కురిపే సుధామయి

అమ్మమంచితనం కాదు కాదు ఘనం

అత్తమ్మగా నీ మంచితనం బహు బాగు బాగు

బలె హాయి హాయి

డాక్టరమ్మకి అమ్మమ్మవి

భద్రం సుమీ - పదిలం సుమీ

నీ ఆరోగ్యం

ప్యాలస్ లో మహరాణివి

పోలిస్ కే తల్లివి

సింధూరంలా పూసి - చిట్టీ చేయంతా

అందల చందమామ అతడే దిగివచ్చాడు

ఆది దంపతులు మీరు - సీతారాములు మీరు

పెద్ద చెవుల గణపయ్య నోరారా పిలుస్తాడు 'అమ్మా' అని

చిలిపి చిలిపి మురుగన్ - హడావుడి చేస్తాడు 'మమ్మీ మమ్మీ' అని

పుట్టిన రోజు వేడుక జరుపుకో సంబరంగా

ప్రతి గడియా - ప్రతి గంటా

బిడ్డలు తలుస్తారు - మనుమలు తలుస్తారు 

మునిమనుమలు సైతం - అమ్మమ్మమ్మ - పొలబారకు

ఆనందాల రైలుబండి స్వయంగా మోసుకొచ్చి

తెచ్చియిస్తారులే - మా నాన్నగారు 

నీకు కానుకగా -

జన్మదిన శుభాకాంక్షలు నీకు

మా అందరివీ

pachcha bottu

కాలం కడలిలో 

చిరు అలనై నేను 

కాలం రెక్కలపై

 భవితకు నా ప్రయాణం 

కాలాన్ని శ్వాశిస్తూ 

కాలంతో మమేకమౌతూ

కాలాన్ని శాసిస్తూ 

ఎగిసిన పెను  కెరటాలను

కాలం పుటలలో ధర్శిస్తూ  సమీక్షిస్తూ 

కాలం సాక్షిగా కడతేరేలోగా

కాలం రెక్కపై నాపేరు 

పచ్చ బొట్టుగా నిలిపే పనిలో 

నిమగ్నమైఉన్నా       

swargam

ఆమనిలో తొలిమల్లెల సౌరభాన్ని

కానుకగా ఇచ్చేవు 

ఆ సౌరభాలు గుబాళించేవరకు 

అనుక్షణం నువ్వే నా మదిలో 

చెట్టాపట్టాలేసుకొని ఇరవయ్యయిదో 

మైలురాయికి చేరుకున్నాం 

నావయసు ఇరవయ్యయిదే 

బహుశా నీ వయసూ  అంతే 

అందుకే ఇద్దరం ఇంకా యవ్వనంలోనే 

నీ అడుగులో అడుగు వేసానేను 

ఆశ్చర్యం - నా అడుగులో అడుగువయ్యవునువ్వు  

కంటిపాపలా కాచుకున్నావు నన్ను 

నీ కంటిపాపలో దాచుకున్నావు నన్ను 

ఏమివ్వగలను నీకు 

గుండెనిండిన అనురాగం తప్ప 

పాణిగ్రహణం కొనసాగించు 

నా అంతిమ శ్వాస వరకు 

28 .2 .2010  

swargam

ఆమనిలో th