భయంకర దృశ్యాలు
మృత్యువుకు చేరువౌతూ
బచావ్ బచావ్ అంటూ చేసే
అస్పష్ట ఆర్తనాదాలు
నిన్న నింగిని చుంబించిన ఆకాశ హర్మ్యాలు
నేడవి కుప్పకూలిన పేకమేడలు
చిన్నాభిన్న మృత దేహాలు
చెదిరిన కుటుంబాలు
ఆప్తుల ఆక్రందనలు
ఆర్భాట గృహప్రవేశాలు
వ్యర్ధమైన వేదమంత్రాలు
గుమ్మంలో వేలాడేసిన గుమ్మడికాయ
ధ్వంసమైన హ్యుమన్ బాంబ్ లా
ఆత్మాహుతి చేసుకుంది
స్వజనాన్నే పొట్టనపెట్టుకున్న ఇల్లు
నిరపరాధినంటూ క్షమాభిక్ష కోరింది
9 .2 .2001 ,వార్త
No comments:
Post a Comment