bassu prayanam

బస్ స్టాప్ లో నలుగురం ఉంటే
అప్పుడు మొదలౌతుంది పోటీ

బస్ ఆగేసరికి పరుగుపందెంతో
హడావుడిగా బస్ ఎక్కడం
ఎక్కీ ఎక్కగానే గద్దచూపులు
ఖాళీ సీట్ కోసం వెతుకులాట     
స్త్ర్రీలకు కేటాయించిన సీట్లని
ఖాళీ చేయమని
మగ ప్రయాణీకుల్ని
చూపుల్తో ఇబ్బందిపెట్టడం

ఎక్కడా ఖాళీలేకుంటే
తోటి ప్రయాణీకులు ఖాళీచేసే
సీట్ కోసం ఆశగా ఎదురుచూపులు
వారి కదలికలు నిశితంగా పరికిస్తూ

బస్ రష్ లో తొక్కిసలాట తోపులాట
ఊగిపోతూ తూగిపోతూ జారిపోతూ
కిటకిటలాడే బస్ లో సైతం
కండక్టర్ వెనుక నుండి ముందుకి
ముందు నుండి వెనక్కి
బొంగరంలా ఎలా తిరిగేస్తుంటాడో
కొత్త ప్రయాణీకులనెలాగుర్తిస్తాడో 
ఆయనకే తెలిసే చిదంబరరహస్యం

మియాపూర్ క్రాస్ రోడ్స్ -JNTU-
కూకట్ పల్లి హౌసింగ్ కాలనీ
సనత్ నగర్ flyover
ఎర్రగడ్డ  mental hospital
చనిపోయి సైతం లాఠీ ఝళిపించే ఉమేష్ చంద్ర
మైత్రీ వనం -అమీర్ పేట్
హమ్మయ్య చేరుకున్నా
గమ్యస్థానం

4 .6 .2004