grahanam

గ్రహణం పట్టింది

సింధు నాగరికత
శిధిలమైన నాడు

బౌద్ధం  భారత్ ని వదిలి
పొరుగు దేశాలకి
తరలి వెళ్ళిన రోజు

రక్తసిక్తమై అన్నదమ్ములు
విడివడిన రోజు

బాబరీ మస్జిద్
కూలద్రోయ బడినరోజు
సోమనాధుని మందిరం
ధ్వంసమైన రోజు

సతిని సహగమనం
చేయమన్న రోజు
ముక్కుపచ్చలారని బిడ్డని
ముదుసలికి అమ్మినరోజు

అవినీతి రాజ్య మేలిన నాడు
చీకటి సామ్రాజ్యాలు
విస్తరించిననాడు

అమ్మతనాన్ని ఆడబిడ్డలని
భ్రూణహత్యలుగ హత్య కావించిన నాడే

వెన్నెలమ్మలకి వెలుగుల సూర్యులకి
గ్రహణం పట్టకుండా జాగ్రత్త పడదాం
జాతియావత్తూ

10 .12 .2011 
*సంపూర్ణ చంద్రగ్రహణం నేడే