మనసుకి‌ హాయి

 నిశ్శబ్ద రాత్రి 

నేను మేలుకునే ఉన్నా

ఆరుబయట 

ఆకాశంలో చుక్కలు చూస్తూ 

పున్నమి నాడు 

వెన్నెల  సోయగాలు చూస్తూ 

పూల పరిమళాలు 

ఆఘ్రాణిస్తూ 

చిత్రకారుని కుంచె 

సృష్టించిన అద్భుతాలకు

అచ్చెరువొందుతూ

అమ్మానాన్నల ప్రేమ

గుర్తుచేసుకుంటూ

చెక్కిలిపై జారే

కంట నీటితో

జీవిత భాగస్వామి 

పిల్లల ప్రేమానురాగాలకి

పులకిస్తూ

చిరకాల మిత్రులతో ఉన్న

అనుబంధం తలుచుకుంటూ

ఒక నిశ్శబ్ద రాత్రి 

శబ్ద ప్రపంచాన్ని ఆహ్వానించి

అదృశ్యమైపోతుంది

నిశ్శబ్దంగానే

రొదల శబ్ద ప్రపంచం కంటే

నిశ్శబ్ద రాత్రులు

మనసుకి హాయి

అప్పుడప్పుడూ

9.11.25