నాదేశం
ఆర్యులదీ కాదు
తురుష్కులదీ కాదు
బ్రిటిష్ దొరలదీ కాదు
ఈ దేశం
ఈ గడ్డలోనే పుట్టిన
ఆదిమజాతి వారిది
ఈ గడ్డలో పుట్టిన
వారి పూర్వీకులది
అయినా ఈ దేశం నాదేశమే
మా తాత తండ్రులదీ
ఈ దేశమే నాకు తెలిసిన
విశ్వం
నాకు తెలిసిన ప్రకృతి
నేను చూసిన అందం
ఈదేశం
ఈ సమాజం
మా పరిసరాలు
స్నేహితులు సన్నిహితులు
అన్నిటికీ అలవాటు పడ్డ
ప్రాణం నాది
ఈదేశం నాతల్లి
అమ్మని ఆలింగనం చేసుకుంటూ
అణువణువూ
దర్శిస్తూ స్పర్శిస్తూ
అమ్మ ఒడిలోనే
కనుమూస్తానని
ఖచ్చితంగా తెలుసు 🙏
Selected 2
No comments:
Post a Comment