హక్కుల కోసం
పోరాటాలు
ఉద్యోగులు తమ భద్రత
కోసం నిద్రలేని రాత్రులు
భార్యాభర్తలు ఇద్దరూ
ఉద్యోగాలు చేస్తున్నా
అనిశ్చిత పరిస్థితి
ఉద్యోగాల కోసం
ర్యాంక్ ల కోసం
మానసిక అశాంతి
పెళ్ళిళ్ళు కుదరక
పెళ్లిళ్ళు కాక
అశాంతి
తమకి తోడు లేక
వృద్ధుల అశాంతి
ప్రభుత్వం
సమాజం
కుటుంబం
ప్రశాంతతని తీసుకు రావల్సిందే
ఆత్మ స్థైర్యమే ఆయుధం
భగవంతుణ్ణి నమ్ముకున్న వారికి
నమ్మకం ప్రశాంతతని ఇస్తుంది
ఇతరుల జీవితాల్లో
వెలుగు నింపాలనుకున్నవారిదే
వెలుగుల జీవితం
మానవ సేవకి
అంకితమైన వారిదే
వెలుగుల జీవితం
మృత్యుముఖం నుండి
వెలికితెచ్చే వైద్యులదే
వెలుగుల జీవితం
దేశసేవకి ప్రాణాలు
త్యాగం చేసే అమర జవాన్లది
వెలుగుల జీవితం
అనాధలకి
వృద్ధులకి
సాయం చేసేవారిది
వెలుగుల జీవితం
ముసుగు లేని నేను
నా ప్రేమ కథ చెప్తా
నాలోని కోపాలు
ద్వేషాలు చెప్తా
కోరికలు
అత్యాశలు
దురాశలు
పేరాశలు చెప్తా
ఎదుటివాడి పతనం
గురించి ఆలోచిస్తే
నిస్సిగ్గుగా
బయట పెడతా
ముసుగు తొలగిస్తే
భయంకర నిజాలు
బయట పడతాయి
మన కోరికలన్నీ
తీరాలన్న ఆశ
మన వారికి మంచి
జరగాలన్న ఆశ
పేదవారికి చిన్న చిన్న
ఆశలు
పసి మనసువి
చిన్ని చిన్ని ఆశలు
ప్రేమికులవి అందమైన
ఆశలు
ఆశకి అంతులేదు
ఆశ నెరవేరితే
అంతకు మించిన
ఆనందం లేదు
ఆశ ఊపిరి
ఆగేవరకు
నవ్వు వరం
నవ్వించడం కళ
నవ్వే అందం
నవ్వే ఆరోగ్యం
నవ్వే ఆకర్షణ
నవ్వించడం అందరినీ
ఆరోగ్యం గా ఉంచడం
అందరినీ నీ వాళ్ళని
చేసుకోవడం
నవ్వే ఆనందం
నవ్వించడం పరమానందం
నీలో సగమై
చెరి సగమై
రస జగమై
అర్ధ నారీశ్వరమై
పాలు తేనె
పూవు తావి
కష్ట సుఖాలలో
పాలు పంచుకుంటూ
తోడూ నీడై
నీ బలం నేనై
నా ధైర్యం నువ్వై
జీవిత సంథ్యల వరకు
చెట్టాపట్టాలేసుకుని
కాల గమనం లో
కలిసిపోదాం
ఒకప్పుడు గ్రామాలు
తక్కువ జనాభాతో
నగరాలు పరిమిత
జనాభాతో
ఇప్పుడు మహా నగరాలు
విపరీతమైన రద్దీగా
గంటల తరబడి
ట్రాఫిక్లో
ప్రమాదాలు
దుర్మరణాలు
ట్రాఫిక్ని నియంత్రించడమే
కష్టమౌతోంది
షాపుల దగ్గర రద్దీ
హొటళ్ళలో రద్దీ
బస్సులలో రద్దీ
ప్రాణ రక్షణ లేదు
భద్రత లేదు
పిక్ పాకెట్ లు
ప్రశాంతత లేదు
ఒకపక్క
గ్రామ జనాభా
పట్టణాలకి
రద్దీని నియంత్రించడమే
ప్రభుత్వాల
స్వచ్ఛంద సంస్థల
కర్తవ్యం
శీర్షిక: ధిక్కారం ఎప్పుడూ సజీవమే
అరాచకానికి వ్యతిరేకంగా
అక్రమాలకి వ్యతిరేకంగా
దోపిడీకి వ్యతిరేకంగా
ధిక్కార స్వరం
దళితులపై
స్త్రీలపై
నిరుపేదలపై
దౌర్జన్యాలకు వ్యతిరేకంగా
ధిక్కార స్వరం
అధికార దుర్వినియోగం
అవినీతికి వ్యతిరేకంగా
ధిక్కార స్వరం
వినిపించే పత్రికలను
వ్యక్తులను
శక్తులను భూస్థాపితం
చేస్తారు
ఐనా అవి తిరిగి
బలంగా తమ ధిక్కారాన్ని
వినిపిస్తూనే ఉంటాయి
ఇది నా స్వీయ కవిత
డాక్టర్ గుమ్మా భవాని
23.5.25
పోరాటమే జీవితం
పొట్టకూటి కోసం పోరాటం
చదువు కోసం పోరాటం
ఆత్మాభిమానం కోసం
పోరాటం
అధికార్లతో పోరాటం
బిడ్డల జీవితం కోసం
పోరాటం
మానం కోసం పోరాటం
ప్రాణం కోసం పోరాటం
మృత్యువుతో పోరాటం
అంతులేని పోరాటాలే
జీవన పోరాటం
నాకు కలల ప్రపంచం మ్యాజిక్
చిన్న పిల్లలకి చిట్టి పొట్టి
కథలే మ్యాజిక్
నచ్చిన అమ్మాయి
అబ్బాయికి మ్యాజిక్
షష్ఠి పూర్తి పెళ్లి కొడుక్కి
తన అర్ధాంగి చిరునవ్వే
మ్యాజిక్
మృత్యువు మనకి
తెలియని విషాదాంత
మ్యాజిక్
నాక్కొంచెం స్వేచ్ఛ కావాలి
చదువుకోడానికి
ఆటలాడటానికి
తలెత్తుకు నడవడానికీ
నా జీవిత భాగస్వామిని
ఎంచుకోవడానికి
మాతృత్వపు ఆనందాన్ని
పొందడానికి
హక్కుల కోసం జరిపే
పోరాటాలలో పాల్గొనే స్వేచ్ఛ
మహిళగా నేను కోరే
కొద్ది స్వేచ్ఛ ఇంతే
శీర్షిక: రాజకీయ ప్రక్షాళన కోసం. ..
నేను రాజకీయ పార్టీ
జండా మోస్తున్న మహిళని ....
నమ్ముకున్న రాజకీయపక్షం
మా ఆశలు వమ్ము చేయదని .....
లక్షలాది పార్టీ అభిమానుల్లో
నమ్మకం కలిగిస్తుంటా. ..
పార్టీజండా మోసి నాయన
భుజాలు కాయలు కాసేయి
అయినా అలుపెరుగని
నడక ఆయనది పార్టీ చరిత్రలో. ...
ఆయన నుండి నేర్చుకున్నా
ఆశయ సాధనలో...
వెనుకడుగు లేదని
మునుముందుకు సాగాలని...
ప్రజాస్వామ్యం గణతంత్రం
సామ్యవాదం పునాదులుగా
కులమత వర్గ వివక్షత లేని
రాజ్యం దిశగా
అంబేద్కర్ చేతిలోని రాజ్యాంగం
మన దేశ భగవత్గీత
చట్టసభలలో మహిళల
గొంతు మార్మోగేలా .....
దళితులు తమ తమ
హక్కులు అనుభవించేలా .......
మా నాయకుల మీద
తప్పక ఒత్తిడి తెస్తాం ......
విద్యాధికులు చట్ట సభలకు
ఎన్నిక అయ్యేలా ......
ఎన్నికల ముందు వాగ్దానాలు
అధికారం చేపట్టేకా అమలుజరిపేలా .....
పార్టీ కార్యకర్తలం మేము
ముమ్మర ప్రయత్నాలు కొనసాగిస్తాం .......
మహిళల భద్రత కోసం
చట్టాలు చేయమని .....
గ్రామీణ భారత వికాసం
నేతల లక్ష్యం కావాలని ......
ఎన్నికలు ప్రజల విజయంగా
మార్పు ప్రగతికి ముందడుగుగా .....
స్వచ్ఛ రాజకీయాల కోసం
నిరంతరం పోరాడుతున్న పార్టీకార్యకర్తని
* * * * * *
ఇది నా స్వీయ రచన.
తేది:15.5.25
శీర్షిక: నీ నవ్వు ఏ రాగమో
నీ నవ్వు ఏ రాగమో
మనసుని మురిపించే
మోహన రాగమో
తొలిపొద్దు తొలిసంధ్యలలో
పూల తెమ్మెరగా వీచే
భూపాలమో
అర్ధనారీశ్వర తత్వాన్ని
తలపింపచేసే
శంకరాభరణమా
మన కళ్యాణం ఎప్పుడెప్పుడా
అని ఎదురు చూస్తూ
నవ్వలొలకబోసే
కల్యాణి రాగమో
నన్ను మురిపించే రాగం
మైమరిపించే రాగం
వసంత రాగమో
నవ‌వసంత రాగమో
ఇది నా స్వీయ కవిత
డాక్టర్ గుమ్మా భవాని
తేది: 21.5.25
శీర్షిక: దుఃఖ లిపి
ఎన్ని కోట్ల జీవితాలది
దుఃఖలిపి
ఎన్ని వేల ఆడజన్మలది
దుఃఖలిపి
ఎన్ని లక్షల జీవితాలు
దోపిడీకి గురైతే
అది వేదనాభరిత చరిత.
ఎందరు చిన్నారులు
అనాధలైతే అది
దుఃఖ లవకుశ గానం
ఎందరు వృద్ధులు
ఇలలోనే నరకయాతన
అనుభవిస్తే
అది మనసువేదన
దుఃఖలిపిని చెరిపేస్తే
నాగరికత పరోగమనం
ఇది నా స్వీయ కవిత
డాక్టర్ గుమ్మా భవాని
మసకబారిన చూపు
వృద్ధాప్యపు కష్టం
ఇష్టమైన వారిని
ప్రేమగా చూసుకోలేం
సొంత ఇంట్లోనే
తడుముకుంటూ నడవడం
ప్రకృతి అందాలు
చూడలేని దుస్థితి
చిన్ననాటి స్నేహితులను
ఆప్యాయంగా తడుముతాం
భార్యని కూడా ఆనందంగా
చూసుకోలేకపోతే
అదెంత కష్టం
ఇతరుల మీద
ఆధారపడే జీవితం
ప్రేమిస్తారు
మనసిచ్చి పుచ్చుకుంటారు
వివాహ బంధం లో
ఒక్కటవుతారు
మరికొద్ది రోజులలోనే
మాటామాటా వచ్చి
విడిపోతారు
మరో మగువ మీద
మోజు పడితే
విడిపోతారు
మరో ప్రియునితో
కలిసి ఉండాలనుకుంటే
విడిపోతారు
సొంత బిడ్డల
భవితని గూర్చి
ఇద్దరూ ఆలోచించాలి
