vijayavasantham

ఏ విత్తులు చల్లేమని  ఈ నందన వనం లో
విజయ వత్సరం విజయకేతనం
ఎగురవేయడానికి

ఒక తరం యువతరం
వలసపోతోంది పశ్చిమానికి
ఈ వలస తరం తూర్పు సూర్యోదయం
చూసేదెప్పుడో

సింధు నాగరికత మనది
అర్యద్రవిడ సమ్మేళన
సుసంపన్న నాగరికత మనది
సంపన్న దేశాలకి వలస పోతున్న యువతరం
అనుసరించేదే నాగరికత
 విజయవత్సరమా
 నీ కానుక ఏ నాగరికత

చట్ట సభల్లో
మహిళా రిజర్వేషన్
మహిళా సాధికారత
ఏం సాధించిందని నందనం
విజయవత్సరమా
మహిళా విజయకేతనం
నువ్వేగరేసేదెప్పుడు

కరెంటు కోతలు వాతలు
రైతన్నా కొలిక్కి వచ్చేదెప్పుడు
నీ కష్టం
విజయ వత్సరమా
రైతన్న విజయోత్సాహాల
వసంతం మరెప్పుడు


ఆశ మనిషి ఊపిరి
మార్పు జీవన తత్వం
నందన అపజయాలూ వైఫల్యాలే
తొలిమెట్టు విజయానికి
 విజయ వత్సరానికి

భవానిరామ్
10.4.2013  

shoka rahitandhra

అశోక సుందరి
శివపార్వతుల సంతతట
నాకు తెలియని శివ పురాణం

అశోకుడు మొక్కలు నాటించాడు
రోడ్డుకిరుపక్కలాచెట్లు చూస్తే తలపుకొస్తాడు
ఆ అహింసా సామ్రాట్

అశోకుడు నేడు  సీమాంధ్ర తులసికోట
ఆశాదీపం
శోక రహితంధ్ర కావాలి
నాయకుల సమైక్య ధ్యేయం

22 .9.2013

swaram

ఆంధ్రా సౌభాగ్యమ్  మాది కూడా
గర్జించిందా స్వరం
అక్కడ స్వేచ్చా స్వాతంత్త్ర్యం  మావి కూడా
లక్షగళాలు ఒక్కటిగా
పలికిందా స్వరం

రాజకీయేతర శక్తి సత్తా
చాటిందాస్వరం
 అది ప్రజాబలమే తన శక్తిగా
 బలోపేతమైన స్వరం

అది కోట్లాది ఆంధ్రుల హృదయ స్పందనగా
తననితాను ఆవిష్కరించుకున్న స్వరం
రక్త బంధం లేకున్నా ఆదరాభిమానాలను
అందుకున్న ఆత్మ బంధువైన స్వరం

22.9.2013    

samaikyandhram

ఉప్పొంగిన కెరటానికి
సాక్షీభూతం మేము
అది సమైక్యాంద్రం

హోరువానలో చప్పట్ల హోరు
అది విజయవాడ  సమైక్యాంద్రం

సీరియల్స్ టి పి ఆర్ పి రేటింగ్స్ పడిపోయి
లక్షలాది నయనాలు వార్తా చానళ్ళకి
అంకితమయిపోతే
అది సమైక్యాంధ్రమ్

శోక సంద్రమైన  సీమాంధ్రకి
అశోకన్న సైన్యం
అండదండ తానయితే
అది సమైక్యాంధ్రమ్

అన్యాయం జరిగిందని
విభజించాలంటే
దక్షిణాది ఉత్తరాది భరత దేశాలుగ
విభజించాలని
గర్జించిన యువకిశోరం
అది సమైక్యాంధ్రమ్

 BHAVANIRAM
21.9.13