ఊరి చివరి బంగ్లా
బంగ్లాలో రాకుమారి
తోటలో తిరుగుతూ
వెన్నెల్లో విహరిస్తూ
నాన్న పట్నంలో
పారిశ్రామికవేత్త
నానమ్మ తాత తో
రాకుమారి బంగ్లాలో
ఊరి సంగతులు తెలుసుకుంటుంది
ఆపదలో సాయం చేస్తుంది
వరదలు ఊరిని ముంచెత్తితే
బంగ్లా వే అందరికీ
అమ్మ ఒడి తానయ్యింది
అదేమి చిత్రమో
బంగారు రంధ్రాలట
కిందనున్న పసిమిరంగు
రంధ్రం పై ప్రసరిస్తే
పసిడిని చేరాలన్న
ఆరాటంలో
రంధ్రాన్ని పెద్దది చేసి
పసిడిని చేరాలని
తొందర పడతాడు
పాపం మానవుడు
బంగారు పుట్ట
బంగరు రంధ్రంలో
వేలుపెడితే
పాముకాటు ఖాయం
జర భద్రం
ప్రయాణాలు
గొప్ప అనుభవాలు
ఎవరెవరో
తారసపడతారు
ఎన్నో
పర్యాటక స్థలాలు
చూస్తాం
చేదు అనుభవాలు
కూడా
ఎదురౌతాయి
విమాన
ప్రయాణం
మబ్బుల దారిలో
విదేశాలకు సైతం
వింత అనుభవాలు
కొన్ని మహా కావ్యాలు
అనుభవమే
అద్భుత రసం
పేరు: డాక్టర్ గుమ్మా భవాని
శీర్షిక: నా హృదయ స్పందన నీవే
నా వేకువలో నీవు
నా వెన్నెలవై నీవు
నీ పాదాల పారాణినై నేను
మన పొదరింటి మహరాణివే నీవు
నా మోహనరాగానివే నీవు
సాకారమైన సుందర
స్వప్నానివే నీవు
మన ముంగిట
తీరైన రంగవల్లివే నీవు
మమతానురాగాల పాలవెల్లివి
నా జీవిత నిత్య వసంతానివి
నా జీవిత మాధుర్యమే నీవు
తోడు నీడవైన సఖివే నీవు
ప్రేమని పంచే పెన్నిధివి
నా హృదయ స్పందన నీవే
వాడినపూలు
వాటి యవ్వనాన్ని
జీవితాన్ని
పరిమళాన్ని
సోయగాల్ని
అన్నీ
గుర్తుచేస్తుంటాయి
